حبيبي

بسم الله الرحمن الرحيم

أنا سجلت بالمنتدى علشان أبغاكم تساعدوني نفسياً يعني بنصيحه بدعاء
قصتي نزلتها بأحد المنتديات قبل 5 شهور والبنات ماقصرو معاي بالنصيحه والدعاء
بس والله أنا للحين مو قادره أنساه وأبغى حل ينسيني إلي صار

وقبل ماأقول قصتي أنصح كل بنت ماتكلم إي شاب عن طريق التلفون نهائياً لأني مجربه وعانيت كثير كنت قبل ماأعرف إي شخص سليمة نفسياً وبعد العلاقات التلفونيه أصبحت محطمة نفسياً والله العظيم وكلو بسبب الحب الكاذب

هذي والله قصتي أنا تعرفت على رجل عن طريق التلفون كان هذا الرجل عمره فوق 45 سنة ودكتور معروف للأسف وأنا عمري 22 سنة طالبه جامعيه حبينا بعض لدرجة الجنون من الأسبوع الثاني صرح لي بحبه أنا ماصدقت قلت له : كيف تحبني وانت ماتعرفني المهم مرت الأيام وحبينا بعض وطلب مني أن يكون بيننا ميثاق صدق وانا وفيت بالميثاق وقلتله على أسمي وكل شي عني بعد شهر صارحني باسمه وكل شي وهذا بعد ميثاق الصدق زعلت وقلت له ليه ماصارحتني من أول وسامحته وكنت أقوله في شي ثاني مخبيه علي قال لا والله بس في شي راح أقولك عليه بعدين لما أقابلك واحط راسي على صدرك وابكي ,جلسنا شهر واصريت أني أعرف إيش السر إللي راح يقوله لما يقابلني وبعد طلعت الروح قالي على الشي وهو أنه متزوج وعنده عياله وأكبر عياله عمره 20 سنةوأن زوجته مقصره بحقه في كل شي معاه ((وكان صادق في هذه النقطة لأني ماكنت أحسه أنه متزوج كان يكلمني بالليل وبكل وقت )) أنصدمت وجلست أبكي من كل قلبي لانه كان الهدف من العلاقة زي مايقول وزي مااقتنعت أنا زواج المهم أنا زعلت وبعد كم يوم حسيت بتغيير في مشاعري تجاهه واتصلت عليه بعد كم أسبوع من مصارحته وقلت له أنا ماأقدر أستمر معاك لأن أهلي راح يرفضوك لو تقدمت ليه لأنك متزوج وكنت أقولها وقلبي يتقطع عليه قال أوكي سوي اللي يريحك وكنت حاسه أنه أنقهر حبيب قلبي بعد ماقفلت دخلت غرفة نومي وافتكرت لما كنت أكلمه جلست أبكي وبغيت اتجنن من كثر البكى اتصلت عليه وقلت لا أنا ماأقدر أتركك أنت حبيبي والله ماأقدر قال : والله أنك بنت حلال وحسيت بفرحته لي استمرينا مع بعض 6 شهور كانت من أروع أيام حياتي حبيت أختبره علشان أتأكد قديش هو يحبني أرسلت له وحده من البنات تختبره وهي ارسلت صحبتها اللي ماأدري من وين جابتها المهم بالبداية ماشبك معها ولا يبغاه قلت لصحباتي اللي على باللي هي تختبره مو صحبتها الحقيرة قلت لها خلاص وقفي لين هنا وكفاية قالت اوكي المهم اكتشفت بعد شهرين أنها تكلمه مو صحبتي إللي تكلم حبيبي صحبة صاحبتي المهم هو قال أبغى أتزوجك وسافر لجده علشان يشوفها وعطته طناااااااش ولما اكتشفت إللي صار صارحته وقال كنت أبغى اشوفك نهايتها معاه المهم هي البنت إللي كان يكلمها حبيبي حب يختبرها وارسل لها ولد أخته وشبكت البنت مع ولد أخته وعرف حقيقتها وانالما اكتشفت إللي صار صارحته وقال انا إللي قاهرني أني حولت لها مبلغ 2500 ريال وبطايق شحن وأنتي عمرك ماطلبتيني أنا فرحت أنه ندم على أنه تعرف على الحقيرة وأنا رجعت كل شي مثل أول وأحسن واتصلت عليها وهزئتها وقالت لو يحبك كان مافضلك علي وبغى يتزوجني وطلب يدي من أهلي يا........ بنت ......... بن ...... ال.....ي عرفت أسمي كيف ؟ اتصلت عليه قلت أكيد أنت قلت لها أنكر بالبداية لأني واثقةمن صحبتي الأولى إللي أعطيتها رقم حبيبي ثقة عمياء بعدين أعترف حبيبي باللي صار معناتها مو وفي بميثاق الصدق وبعد إللي صار بدء يتغير لانها قالت فيه كلام مو طيب الله لا يسامحها إللي هي المرسولة من صحبتي لحبيبي علشان تختبره المهم هو بدء يتغير علي بشكل مو طبيعي ماصار يدق ولا يرسل مايدق إلا إذا دقيت عليه أكثر من مرة 5 شهور على هذا الوضع تعبت تعبت تعبت بس تحملت كل شي علشان أنا ماأقدر أستغني عنه لمحت له أنه يجي يخطبني يقول لي أنتي مو جادة قلت انا واثقة أنو أمي ماراح ترفض لي طلب بس أبو ي ماأعتقد بيزوجني لك لأن أنت متزوج قال مو مشكلة أنا أقدر أقنعه وعلى فكرة ياأخواني وأخواتي عطيته عنوان بيتنا وكل شي من زمااااااااااااان بس ماحسيت في اهتمام
بعد كم شهر مرض الوالد وهو كان يعرف وكان نادراً مايدق ويسأل علي وعلى الوالد وكان في أخر اتصال وقلت له الوالد تعبان قال الله يشفيه ويقومه لكم بالسلامة بعد يومين أدق جواله مقفل بعد اسبوعين الوالد توفى اتصلت عليه كمان جوالو مقفل اتصلت على ولد اخته ثاني يوم بعزى والدي قال هو تزوج أنا انصدمت كيف مايخبرني ولا يقول لي لهدرجة أنا كنت ولا شي عنده كنت مجرد تسلية بحياته الله لا يوريكم باللي صار لي تركته بس النارداخلي تغلي أرسل حبيبي بعد وفاة الوالد بشهر رسالة يعزيني فيها بالوالد الله يرحمه وكتب في الرسالة انا تزوجت بنت حلال أحبها جدا جدا جدا وأغليها (( لأنها اشترتني من البداية)) ولا راعى حالتي النفسية ولا شي كتبت له برسالة اباركله واوصيه انه يعدل بين زوجتك الأولى والثانية بعد 3 أسابيع أدق على جوال ولد أخته لأني مابقدر أدق عليه ماحبيت أضايقه سألت عن أخباره قال لي ولد أخته هو بخير وبصحةوسلامة بعد أسبوعين من مكالمة ولد أخته يدق هو علي ويسألني إذا كنت محتاجة شي قلت له لا مشكور وانا مافتحته بموضوع زواجه وليش خبى علي جلست مقهووووووورة من القهروبطرطع وكان هو يلمح بطريق غير مباشر جدا أنه يبغى يقابلني بعد أسبوع من مكالمته لي أرسلته له 3 رسايل عتب على اللي سواه فيه وكتبت فيها أكبر مكسب لي أني خسرتك ......... وانت ماتستاهلني وخسارة كل كلمة حب طلعت من قلبي وتفكيري فيك وانت بشهر الخرا أقصد شهر العسل ومن الكلام هذا في 3 رسايل عتب

بعد رسايلي بخمس دقايق يدق جوالي 7 مرااااااااات مارديت جتني رسالة منه ردي أبغى أكلمك بموضوع رديت وسمعت صوت إمرأة وقفلت دق مرتين ورديت طلع صوته وكلمته وقال وبعدين معاك يا.......... خلاص أنا تزوجت وشوي تكلمني زوجته الثانيه وتقولي ليه ترسلي له رسايل زي كذا ترى هو قال لي كل شي وقال انه كان يبغى يتزوجك بس أنتي تماطلي معاه ((وانا والله ماكنت أماطل معاه بس هو ماوجه أهلي وطلبني كان معتمد علي أزبط له كل شي )) قلت لها : كنت أبغى أبين له قديش هو أناني وخاين وظالم وجلست تقولي أنتي تبغي تخربي بيني وبينه وقالت خلاص أنسيه لانه شالك من باله وسألتها سؤال وقالت مالك حق تسألي أنا أسألك وبس قفلت أنا السماعة بوجهها وبعد 10 دقايق يدق ولد أخت حبيبي ويقول سببتيلي مشكلة كبيرة مع خالي وخالي يقول ((إللي هو حبيبي )) أتصلت علي يقصدني أنا وتهزئني برسالة وانا خلاص تزوجت خلاص قولها لاتجري وراي أنا اتصلت عليها بعد وفاة أبوها عطف وشفقة بحالها (( يالله عليك ))

وانا وعدت ولد أخته أني لا عاد أدق عليه ولا أرسله ولاعاد أدق عليه إلا هو( ولد أخته )علشان أسأل على اخباره


بعدت عنه وقلت في نفسي خلاص ماراح أدق علي نهائيا بعد شهر أو شهرين مو فاكره بالضبط بس كان بشهر 12 /1429هـ دق علي وانا بالجامعه وكنت رايحه لمحاضرتي إلي شوي وتبدء دق علي والله بغيت أطير من الفرحه ونسيت كل إلي صار وفوق هذا لما رديت عليه قلت له: أنا آآآآآسفة والله ماكانت أعرف أنو زوجتك الثانيه كانت معاك قال لاعادي ماصار شي وبدء يسأل عن أخباري وانا بأنجن من الفرحه وسط الهم إلي كنت عايشه فيه قال راح أدق عليك من رقم ثاني ولما رجعت البيت كلمني وعاتبته قلت ليه تتزوج وتخبي علي
قال: لا تسوي نفسك ماتعرفي قلت له والله مااعرف صحيح كنت تلمح وأدق عليك هذيك الفتره والاقي جوالك انتضار وكنت لما أسألك تقول أكلم أختي ولما أقول أشفيك متغير ليكون حاط عينك على وحده ثانيه كنت تقولي لا وياليت ربي يرزقني بوحده تحبني زيك وقلبي ليه ماتريحيني ونتزوج والله كنت أقولها وانا أبكي
تخيلو إيش قال : قال لاتسوي لي مسلسلات أنتي كنت تتهربي وماتبغي ,, والله ياجماعه كنت أأجل لين ماأتخرج وأفضى لموضوعي أنا وياه
تكلمنا مع بعض وقال لي إذا احتجتي إي شي مني دقي علي بس لا تدقي على رقمي الأول لأنه مع زوجتي 2 دقي على رقمي الثاني ولا أقول لادقي أنا راح أدق عليك قلت له أوكي بس خذ إيميلي كنت أبغى إي وسيله تربطني فيه باي طريقه وسجل إيميلي عنده وانا معاه على الخط ومو بس كذا بعد ماقفل مباشرة أرسلت له إيميلي برساله علشان مايكون له حجه بأنه غلط بأي حرف من حروف إيميلي
مرت أسابيع لا يدق ولا يسأل ولا شبك بالمسن وشكلو كان يضحك علي لا اضافني عنده ولا شي بعد أسبوعين دق علي وكان جوالي لأسف مقفل بس لما فتحته لقيت رسالة موجود من رقمه الأول كنت بدق عليه بس خفت زوجته تكشفني قلت بأستنى لين يروح دوامه بالصبح ولما جاء الصبح دقيت عليه على رقمه الأول بس مارد كالعاده جلست استناه لين الساعه 11 سهرانه من أمس علشان ألاقي الوقت المناسب إلي أدق عليه نمت وصحيت الساعه 6 المغرب وانصدم كالعاده أرسلي الحبيب الغريب إلي ماعنده ذرة رحمه رساله كان توقيتها الساعه 2 الظهر الرساله تقول (( لا يوجد شيء لعرضه)) أنا أنصدمت كيف أمس القى 3 مرات موجود ويمكن أكثر و اليوم لما أدق علي لا يرد وكمان يرسلي رساله بنفس الوقت بس بعد ساعه من الساعة 2 يعني الساعة 3 عصراً على لسان زوجته 2 إلي أنا متأكده مليون بـ100 أنو هو أرسلها علشان أبعد عنه نهائياً
(( كنت مفكره انك بنت ناس لكن للأسف ماطلعتي كذا والله يافلانه لو مابعدتي عن زوجي لأرسلك مصيبه توقفك عند حدك وهذي المره سماح المره الجايه ماراح أسامحك ووأمسحي رقمه وإيميله من عندك ولا ترسلي ووووو )) وانا متأكده هو أرسلها والدليل جاب سيرت الأيميل في حين موضوع الايميل كان بيني وبينه وكان يكلمني من دوامه يعني مو بالبيت لو كان بالبيت كان قلت ممكن سمعت

لاكن من بعد الإهانه هذي والتهديد إلي كاتبها على لسان زوجته أحترمت نفسي وبعدت لادقيت ولا أرسلت له وكمان هو

ليه شهرين انتظر أتصال منه أو على الأقل رساله يسأل فيها عني وعن أهلي يقدر أنو كان يعرف وحده وكانت تحبه وتحترمه وكنت والله أسوي المستحيل علشان أكلمه لدرجة أنو في بعض الأحيان تصير مشكلة بيني وبين أختي بخصوص مكالمته لكن أنا توي عرفت معدنه قصدي معدن الرجال إلي يسوو علاقات بالتلفون أنا ماأعمم ياأخوان فقط الرجال إلي يكلم بنت بالتلفون لاتقولو حب وخرابيط هدفكم مو كذااااااااوالله !!؟؟

أنا حاسه نفسي أنظلمت وانقهرت من أغلى شي بحياتي حبيبي .... واتمنى منكم الدعاء لي بأن ربي يوفقني ويرزقني بواحد أحسن منه بس بشرط يكون زوج

ورجاءً /// أبغاكم تعلقو على قصتي وتقولو لي من الغلطان أنا ولا هو هذا أولاً

ثانياً :: انا لو أتزوجت إن شاء الله أقدر أنساه ولا لا ؟؟

ثالثاً:: أدعيولي بزوج الصالح

أخيراً نصيحه لكل فتاة وشاب لاتكلمووووووووو وتحبووو عن طريق الجوال أو المنتديات أو الماسنجر
ومافي شي اسمه صداقه بين فتاة ورجل هذا رأيي الشخصي لأني أنا مجربه وعارفه كل شي

على فكرهـ /// والله العظيم والله العظيم والله العظيم الشخص إلي حبيته ماخليته يلمس شعره مني وهذا إلي مريحيني شوي ومخليني أرضى عن نفسي شوي